Völsungar með sinn annan sigur í Soccerademótinu

Elfar Árni var á skotskónum.

Völsungar spiluðu sinn annan leik í Soccerademótinu í Boganum í gærkveldi. Andstæðingarnir voru Samherjar og lauk leiknum með sigri Völsunga 8-0. Elfar Árni Aðalsteinsson gerði þrennu en hin mörkin skoruðu Arnar Þórarinsson (2), Bjarki Baldvinsson, Arnþór Hermannsson og markvörðurinn Steinþór Már Auðunsson það síðasta úr víti.

Völsungar eru á toppi A-riðils Soccerademótsins með sex stig.