Pálmi Rafn með þrennu fyrir Val.

Pálmi Rafn fagnar hér einu af mörkum sínum í kvöld.

Það er alltaf gaman að fylgjast með húsvíkingum í boltanum og ekki verra þegar þeir eiga stórleik eins og Pálmi Rafn Pálmason átti í kvöld. Hann skoraði öll mörkin fyrir lið sitt, Val, í kvöld þegar Valur sigraði Grindavík 3-0.

Hér að neðan er viðtal við Pálma Rafn sem fotbolti.net tók við hann:

,,Það er ekki annað hægt en að vera glaður eftir svona sigur," sagði Pálmi Rafn Pálmason markaskorari Vals í samtali við Fótbolta.net.
Pálmi Rafn skoraði öll þrjú mörk Vals í sigri liðsins á Grindavík en þetta voru fyrstu stig Vals í sumar.
,,Ég náði þremur mörkum og það er mjög ánægjulegt en ég fékk líka góða hjálp við það," sagði Pálmi en þetta var hans fyrsta þrenna hans í efstu deild.
,,Það er ágætt að vera kominn með þetta, er þetta ekki flott á "recordið"? sagði Pálmi sem var ánægður með sigurinn.
,,Þetta léttir heldur betur á mönnum það er ekki hægt að segja annað," sagði Pálmi en Valur tapaði fyrsta leiknum gegn Keflavik 5-3. Pálmi hefur ekki svör við því hvað gerðist hjá Valsmönnum þar.
,,Í rauninni ekki, ég hef ekkert svar við þeim leik. Það var eitthvað sem klikkaði í okkar liði en við náðum laga það."
,,Mér fannst hún bara vera oftast mjög góð, við þurftum oft að losa okkur undan pressu sem Grindavík var að setja á okkur, þeir eru stór hættulegir en við brugðumst við því og heilt yfir var ég nokkuð ánægður með okkar spilamennsku," sagði Pálmi Rafn glaður í leikslokum.