Dragan: Kláruðum þetta sannfærandi

Dragan

„Ég er mjög ánægður og strákarnir lögðu sig alla fram í dag sem skilaði mikilvægum sigri," sagði Dragan Stojanovic, þjálfari Völsungs, brosandi eftir 2-0 sigur á Húsavíkurvelli gegn KV.

„Við vorum búnir að æfa vel alla vikuna, undirbúa okkur mikið og mikil vinna sem við lögðum í þetta verkefni. Ég get ekki verið sammála því sem fótbolti.net skrifar eftir leikinn að við höfum stolið sigrinum, það er ekki rétt. 2-0 sigur er ekki stolin sigur, við áttum seinni hálfleikinn og kláruðum þetta sannfærandi," sagði þjálfarinn sem hrósaði dómurum leiksins eftir leikinn.


„Ég vill hrósa dómurunum fyrir frammistöðu sína í dag, þetta tríó stóð sig virkilega vel og þeir eiga hrós skilið fyrir vinnu sína í þessum leik," sagði Dragan en dómarar leiksins voru þeir Geir Eggertsson, Viðar Helgason og Viðar Valdimarsson.

„Nú höldum við áfram og tökum einn leik í einu. Það eru fjórir leikir eftir og við stefnum áfram í átt að okkar markmiðum sem eru skýr. Það verður gaman í kvöld og við njótum þess að vera á toppnum en á morgun ætlum við að gleyma strax þessum og byrja að hugsa um næsta leik, það er nóg eftir," sagði Dragan einbeittur.


                           Dragan Stojanovic og Vilhjálmur Sigmundsson

Tengdar greinar:
Umfjöllun: Kóngarnir komnir heim
Hafþór Mar: Við erum bestir
Hrannar: Ég ætla ekki að vera kokký