Völsungsstúlkur skoruðu sjö mörk í gær.

Andrea Kjartansdóttir fagnar marki sínu í gær.

Völsungur tók á móti Fjarðarbyggð/Leikni  í 1. deild kvenna B-riðli í gær. Kalt og blautt var á Húsavíkurvelli eins og undanfarna daga en stelpurnar létu það ekki á sig fá.

Það er skemmst frá því að segja þær gjörsigruðu andstæðingana 7-1 og skoruðu þær Hafrún Olgeirsdóttir og Berglind Ósk Kristjánsdóttir tvö mörk hvor. Andrea Kjartansdóttir, Harpa Ásgeirsdóttir og Helga Björg Pálmadóttir skoruðu eitt mark hver gestirnir skoruðu sitt mark úr vítaspyrnu seint í leiknum.

Eftir fimm umferðir eru Völsungar efstir með 12 stig líkt og Höttur en með miklu betri markatölu. Stöðuna í riðlinum er hægt að sjá hér

Líkt og oft áður var Halli Sig á vellinum með Canoninn og myndir úr leiknum er hægt að skoða hér.