Völsungar fá markvörð að láni.

15. mar

Völsungar fá markvörð að láni.
Íþróttir - Hafþór Hreiðarsson - Lestrar 265 - Athugasemdir ()

Völsungur hefur fengið markvörðinn Ágúst Bjarna Garðarsson á láni frá Val þar til 25.apríl næstkomandi. Möguleiki er á að sá lánssamningur verði framlengdur og að Ágúst muni leika með Völsungi í annarri deildinni í sumar.

Ágúst, sem er tvítugur, gekk til liðs við Val árið 2005 en hann kom til liðsins frá FH. Síðastliðið sumar var hann í láni hjá Haukum og lék fimm leiki með liðinu í annarri deildinni.

Völsungur auglýsti á dögunum eftir markverði þar sem Björn Hákon Sveinsson, markvörður liðsins undanfarin ár, er á leið til náms í Danmörku. Liðið hefur nú fengið Ágúst Bjarna en hann hefur þegar fengið leikheimild og gæti leikið með Völsungi gegn Dalvík/Reyni í Lengjubikarnum á sunnudaginn.

« Til baka