Stuðningsmannahittingur á Sölku & Græna torginu

Kæru Völsungar við boðum ykkur til stuðningsmannahittings á Sölku kl.12:00 laugardaginn næstkomandi fyrir heimaleik liðsins gegn Njarðvík.

Myndir munu fljóta á veggjum og spilað verður myndband til þess að koma fólki í gírinn.

Byrjunarliðið verður tilkynnt og mynduð verður stemning sem flyst með fólki út á völlinn. Hægt er að kaupa sig inn á pizzuhlaðborð með gosi á litlar 1000 krónur!

Einnig verður opið á Græna Torgi í íþróttahöllinni á sama tíma, en þar munu gamlir leikmenn og aðrir velunnarar hittast yfir kaffibolla og peppa sig upp fyrir átök dagsins. Í framhaldi munu hóparnir hittast við Sölku og arka saman út á völl um kl.13.30.

Völsungur er sameiningartákn okkar bæjarfélags, hvar verður þú?