Strákarnir spiluðu æfingarleik á Hofsósi í gær

Meistaraflokkur karla brunaði á Hofsós í gær til þess að etja kappi við 1.deildarlið sauðkræklinga en liðin léku æfingarleik sem endaði 2-0 fyrir Tindastól.

Völsungar sköpuðu sér fá færi í leiknum en lykilmenn vantaði í liðið vegna meiðsla. Bæði mörk leiksins komu undir lokin en fram að því hafði markvörður Völsungs Ingólfur varið vel oft á tíðum og haldið þeim grænklæddu inn í leiknum. Davíð Már Sigurðsson tengdasonur Ingólfs Freyssonar og Guðrúnar Kristinsdóttir mætti á völlinn með vélina og hér fyrir neðan má sjá myndir frá leiknum.