Stelpurnar úr leik í bikarnum eftir stórtap gegn Fylki

Ásrún Ósk var maður leiksins. Ljósm. BGB

Hið unga lið Völsungskvenna lék gegn Pepsideildarliði Fylkis í VÍSA-bikarnum í gær og lutu í gras. Gestirnir höfðu töglin og haldirnar á vellinum og þegar yfir lauk höfðu þeir skorað tíu mörk en heimastúlkur aðeins eitt.

Það gerði Indíana Þórsteinsdóttir úr víti sem Völsungar fengu eftir að brotið var á Sigrúnu Lilju Sigurgeirsdóttur innan vítateigs.

Ásrún Ósk Einarsdóttir var valin maður leiksins hjá heimamönnum og fékk að launum gjafapakkningu frá NIVEA á Íslandi sem stendur að valinu ásamt 640.is. Ásrún er á 15 ári og spilar einnig með 3. flokki Völsungs.

Ásrún sækir að leikmanni Fylkis.

Hér er mark í uppsiglingu hjá Fylkisstúlkunum snemma leiks.

Inda skoraði eina mark Völsunga úr þessari vítaspyrnu.

Jóney Ósk gaf ekkert eftir í leiknum eins og sjá má á myndinni.

Björn Grétar Baldursson tók myndina af Unni Mjöll og Ásrúnu Ósk.

Aðrar myndir eru teknar af ljósmyndara 640.is