Stelpurnar komnar í úrslit Lengjubikarsins

Helga Björk skoraði mark Völsunga í dag.

Völsungsstelpurnar eru komnar í úrslit C-deildar Lengjubikarsins eftir 1-0 sigur á Draupni í dag. Leikurinn fór fram í Boganum og skoraði Helga Björk Heiðarsdóttir mark Völsunga í fyrri hálfleik.

Það er því ljóst að bæði kvenna- og karlalið Völsungs leika til úrslita í Lengjubikarnum. Stelpurnar mæta annað hvort liði Selfyssinga eða Þróttar Reykjavík en strákarnir mæta Víkingi Ólafsvík í úrslitum 2. deildar.