Stelpurnar komnar í undanúrslit

Helga Björk kom Völsungum á bragðið

"Við vorum miklu betri og áttum sérstaklega góðan fyrri hálfleik. Við sköpuðum okkur fullt af færum og hefðu mörkin getað verið mun fleiri," sagði Helga Guðrún Guðmundsdóttir, leikmaður kvennaliðs Völsungs, eftir að stelpurnar tryggðu sér í undanúrslit C deildar Lengjubikarsins í dag með 2-0 sigri gegn Tindastól.

Helga Björk Heiðarsdóttir kom stelpunum yfir eftir rúman hálftíma leik og var staðan 1-0 í hálfleik. Þórunn Birna Jónsdóttir innsiglaði svo sigurinn seint í síðari hálfleik og eru Völsungsstúlkur á leið í undanúrslitaleikinn þann 4.maí sunnan heiða og ætla sér alla leið.

"Nú er það bara næsta skref að komast í úrslitaleikinn og að sjálfsögðu ætlum við okkur þangað", sagði Helga ákveðin að lokum.