Rafnar og Þorvaldur í Völsung

Rafnar skorar í leik gegn Dalvík/Reyni 2011

Rafnar Smárason og Þorvaldur Sveinbjörnsson gengu báðir til liðs við Völsung nú í morgunsárið. Báðir eru þeir fæddir árið 1994 og voru hér í yngri flokkum.

Rafnar er fljótur sóknarmaður sem spilað hefur síðustu tvö sumur í 2.flokki hjá Þór en hann á að baki 16 leiki fyrir meistaraflokk Völsungs og hefur skorað í þeim fjögur mörk.

Þorvaldur gekk til liðs við FH frá Völsungi 14 ára gamall og hefur spilað með Hafnfirðingum síðan. Hann á ekki að baki KSÍ-leik fyrir meistaraflokk FH en hefur spilað með þeim æfingaleiki. Hann hefur undanfarin þrjú sumur spilað með 2.flokki FH og getur leyst ýmsar stöður á vellinum.

Við bjóðum Rafnar og Þorvald innilega velkomna heim í Völsung og hlökkum til að sjá þá á vellinum!