Pétur Ásbjörn kominn til Völsungs

Klingenberginn er mættur

Pétur Ásbjörn Sæmundsson er genginn til liðs við Völsung og mætti á sínu fyrstu æfingu með liðinu í dag.

Pétur kemur á láni frá Álftanesi en hann hefur einnig spilað fyrir Hamar, Markaregn og Hauka þar sem hann á að baki leiki í Pepsi-deild karla og 1.deild. Pétur sem er fæddur 1989 er miðjumaður en getur sömuleiðis spilað vörn og enginn vafi á því að hann mun styrkja hópinn í toppbaráttunni síðari hluta sumars.

Völsungur mætir Gróttu á nesinu á morgun er 14 umferð 2.deildar fer fram og að öllum líkindum spilar hann sinn fyrsta leik fyrir félagið annað kvöld.

Til gamans má geta þess að eflaust hafa margir Húsvíkingar farið yfir framtíðina og rætt lífsins gátur við móðir hans en Pétur er sonur Siggu Klingenberg spákonu og verður hér með kallaður Klingenberginn.

Við bjóðum Klingenberginn hjartanlega velkominn í fjölskylduna!

Hér má sjá myndir frá æfingu liðsins í dag.


                                 Klingenberginn var hress á sinni fyrstu æfingu


                        Dragan þjálfari var einnig mjög hress eins og sjá má


              Nikola Kristinn Stojanovic sonur Dragans þjálfara fylgdist vel með