Opna Skóbúðarmótið í golfi

Næstkomandi föstudag verður haldið Opna Skóbúðarmótið í golfi á Katlavelli. Mótið hefst kl. 18³⁰ og fyrirkomulag mótsins er höggleikur án forgjafar karla og kvenna og opinn flokkur, punktakeppni með forgjöf. Veðurspá helgarinnar er góð og því má reikna með að völlurinn skarti sínu fegursta í miðnætursólinni.

Veglegir vinningar eru í boði Skóbúðar Húsavíkur en mikið golfáhugafólk stendur að rekstri hennar og er það vel hve myndarlega það styrkir golfstarfið . Sérstök nándarverðlaun eru á þriðju og fimmtu braut en í því felst að sá hlýtur verðlaun er kemst næst holu í fyrsta höggi. Einnig verður dregið úr skorkortum að loknu móti. Skráning á mótið fer fram á golf.is og eru allir golfarar hvattir til að skrá sig.