Kjúllarnir okkar: Jana & Ásgeir

Kjúllarnir okkar

Ásgeir Sigurgeirsson (15 ára) og Jana Björg Róbertsdóttir (14 ára) eru bæði leikmenn í meistaraflokkum Völsungs. Þessir ungu og efnilegu leikmenn hafa sýnt það og sannað í upphafi íslandsmótsins að þau eru framtíðarleikmenn félagsins og ekki farið framhjá neinum að þarna eru mikil efni á ferð. Hér fyrir neðan má sjá svör þeirra við nokkrum spurningum sem við laumuðum til þeirra. Fylgist með þessum!

Hvernig hafa mótttökunar verið í meistaraflokk ?
Ásgeir: Þær hafa verið mjög góðar, maður fellur vel inní þennan hóp og allir strákarnir hin mestu ljúfmenni.
Jana: Bara mjög góðar.

Hver er munurinn á því að spila með meistaraflokki og yngri flokkum ?
Ásgeir: Það er miklu meiri hraði í mfl og maður fær lítinn tíma á boltanum, það er mesti munurinn.
Jana: Mér dettur fyrst í hug að í meistaraflokki fáum við stuttbuxur og sokka fyrir leik! En reyndar finnur maður líka hvað allir í bænum vita miklu meira um leikinn sem maður var að spila.

Markmið sumarsins ?
Ásgeir: Fara upp um deild með Völsungi og komast á norðurlandamót með U-17 landsliðinu
Jana: Toppurinn í báðum flokkum.



Besti samherjinn ?
Ásgeir: Það er mjög gott að hafa Arnþór Hermannsson að mata mann og svo er Dejan Pesic að koma sterkur inn.
Jana: Spila með mörgum góðum samherjum en þær sem standa kannski hæst upp úr eru Harpa Ásgeirs og Inda.

 Eftirminnilegasti leikur fyrir Völsung ?
Ásgeir: Ætli það sé ekki Völsungur-KF í boganum um daginn.
Jana: Úrslitaleikurinn á móti Þór í Valitor bikarnum í fyrra. Töpuðum 3-2 í framlengingu eftir harða baráttu.

Hvaða liði myndir þú aldrei spila með ?
Ásgeir: Held ég myndi ekki spila fyrir KF þótt lífið mitt væri undir.
Jana: Þór.

Uppáhalds knattspyrnumaður ?
Ásgeir: Messi.
Jana: Róbert Ragnar, S.Gerrard og L. Messi

 Hvort var Sigurgeir eða Róbert Ragnar betri ?
Ásgeir: Róbert Ragnar. Ég sá pabba aldrei spila.
Jana: Pabbi að sjálfsögðu!

Hvar verður þú eftir 10 ár ?
Ásgeir: Ekki hugmynd.
Jana: Vonandi spilandi með Völsungi, í úrvalsdeild.

Eitthvað að lokum ?
Ásgeir: Bjarki Þór farðu í klippingu.
Jana: Áfram Völsungur!



Úr Völsungsleikskrá 2tbl.