Íslandsmeistarar fengu afhentan bikar á laugardaginn

Jón Ásþór með bikarinn góða.

Sjö manna lið Völsungs í 3. flokki karla varð Íslandsmeistari í sínum flokki og fékk verðlaun sín afhent á Húsavíkurvelli um helgina. Einungis einn riðill var í þessari keppni og var hann skipaður liðum af Norðurlandi. Það var Bergur Elías Ágústsson sem afhenti strákunum verðlaunin í hálfleik í leik Völsungs og BÍ/Bolungarvíkur og tók Jón Ásþór Sigurðsson fyrirliði við bikarnum.

Bergur Elías afhenti strákunum verðaunin og naut við það aðstoðar Sveins Aðalsteinssonar framkvæmdarstjóra Völsungs.

Íslandsmeistarar Völsungs í sjö manna liðum 3. flokks. Þjálfarar eru Unnar Þór Garðarsson og Aðalsteinn Jóhann Friðriksson.

Þess má geta að sumir leikmenn þessa liðs hafa einnig leikið með ellefumanna liði 3. flokks.