Halldór Geir og Jónas í Völsung

Donni í leiknum um helgina gegn Tindastól

Halldór Geir Heiðarsson og Jónas Halldór Friðriksson eru gengnir til liðs við heimafélag sitt Völsung.

Halldór Geir, 19 ára, kom aftur til liðsins fyrir helgi frá Val og kom inn á í leiknum gegn Tindastól. Í daglegu tali er hann gjarnan kallaður Donni, en hann er miðjumaður sem á að baki 7 meistaraflokksleiki með Völsungi.

Jónas Halldór, 25 ára, á að baki 59 leiki fyrir meistaraflokk Völsungs og hefur skorað í þeim 4 mörk. Jónas getur bæði spilað í vörn sem og á miðju en hann hefur spilað með Magna undanfarin tvö ár.

Við bjóðum þá báða hjartanlega velkomna heim í Völsung. ÁFRAM VÖLSUNGUR!