Frábær árangur 6.flokks kvenna

Unnar Þór ásamt Völsungshnátum

Úrslitakeppni Hnátumóts 6.flokks kvenna var haldin nú um síðustu helgi á Akureyri. Úrslitin voru á milli liða frá norður- og austurlandi og áttu Völsungar lið í b-liðum eftir frækna frammistöðu stúlknanna í undankeppni sem fram fór á Egilsstöðum. 

Þar flokkaðist Völsungur til austanliða en mætti svo í úrslitakeppninni Hetti og KA. Stelpurnar stóðu sig fantavel í báðum keppnum, sigruðu báðar og uppskáru því gullpening fyrir frammistöðu sína. Völsungar eru þar með Hnátumeistarar norður- og austurlands í b-liðum.

Þær gerðu 0-0 jafntefli við KA og sigruðu Hött 3-1 á meðan KA og Höttur gerðu 0-0 jafntefli. Þar með var sigurinn Völsunga og tóku stelpurnar honum fagnandi.

,,Þær voru vel að þessu komnar og voru virkilega að spila boltanum sín á milli og reyna flotta hluti. Þetta er mikil viðurkenning fyrir stelpurnar og allan hópinn í 6.flokk sem og okkar starf í Völsungi. Þetta eru efnilegir árgangar hjá okkur og ég er mjög stoltur af þeim,” sagði Unnar Þór Garðarsson, þjálfari flokksins.

Virkilega ánægjulegt fyrir stelpurnar og óskum við þeim öllum innilega til hamingju með árangurinn.

Hér má sjá hópinn og þetta eru, frá vinstri talið, Margrét Halla (Skúla Hallgríms og Binnu Gísla), Ólöf Rún Rúnarsdóttir (Guðrúnar Friðriksdóttur), Anna Birta (Þórðar og Helgu Soffíu), Marý Anna (Guðmundar Halldórs og Ruth Sig), Hildur Anna (Brynjars Smára og Kristeyjar Þráins), Marta (Sigmars Stefáns og Karólínu), Hafdís Hjaltalín (Hafliða og Valgerðar Jósefs), Bjartey Guðný (Birkis Viðars og Kristínar Elfu Björns), Heiðrún (Magnúsar Hermanns og Önnu Rúnu), Fríða Katrín (Árna Péturs og Kaju Kristjáns), Ríkey (Sigurgeirs Höskuldar og Kristjönu Ríkeyjar) og sú sem er liggjandi fremst er Emma Þöll (Hilmars Dúa og Jónu Kristínar).

















Myndir: Kristín Elfa