Framsýn styrkir knattspyrnudeild Völsungs

Framsýn hefur í gegnum tíðina stutt vel við bakið á starfssemi Völsungs með stuðningi við flestar deildir félagsins og er nýji samningurinn framlenging á því góða samstarfi. 

Ekki þarf að efast um mikilvægi Völsungs sem gegnir mikilvægu hlutverki í æskulýðs- og íþróttastarfi í héraðinu. 

Liður í því er að fyrirtæki og félagasamtök styðji vel við bakið á íþróttafélaginu til að auðvelda þeim að ná fram markmiðum sínum í uppbyggjandi starfi.

Við undirskriftina þakkaði  Jónas Halldór framkvæmdastjóri Völsungs  Framsýn fyrir stuðninginn í gegnum tíðina og sagði mikla ánægju með nýja samstarfssamninginn.