28. jún
Erla Sigurðardóttir ráðin til FerðamálastofuAlmennt - - Lestrar 511
Erla Sigurðardóttir.
Ferðamálastofa hefur ráðið Erlu Sigurðardóttur í starf sérfræðings sem auglýst var í vor.
Á heimasíðu Ferðamálastofu segir að margir hæfir einstaklingar hafi sótt um starfið en alls bárust um 130 umsóknir.
Erla er með BS próf í Hótel og veitingastjórnun frá University of Wisconsin STOUT, diplóma í opinberri stjórnsýslu og kennsluréttindi frá Háskóla Íslands.
Erla hefur starfað á hótelum víða um land og veitt Hvalasafninu á Húsavík forstöðu.
Þá starfaði hún um tíma sem verkefnisstjóri hjá Nýsköpunarmiðstöð Íslands með áherslu á ferðaþjónustu. Síðastliðin tvö ár hefur Erla starfað sem fræðslu- og menningarfulltrúi fyrir sveitafélagið Norðurþing.
Erla hefur störf 4. september og verður staðsett á skrifstofunni á Akureyri.
640.is á Facebook