Atli Barkar til SönderjyskE

Atli Barkarson í leik með Völsungi 2017.

Danska úrvalsdeildarfélagið SönderjyskE hefur keypt varnarmanninn öfluga, Atla Barkarson, frá Íslands- og bikarmeisturum Víkings í Reykjavík.

Atli spilaði frábærlega á liðnu tímabili og átti stóran þátt í því að Víkingur vann bæði deild og bikar.

Atli, sem er tvítugur að aldri og uppalinn Völsungur, spilaði einnig vel fyrir U21 landslið Íslands ásamt því að leika sína fyrstu A-landsleiki nýlega.

Atli er ekki fyrsti Völsungurinn til að ganga til liðs við SönderjyskE því Hallgrímur Jónasson lék með liðinu um nokkurra ára skeið.

Frétt af heimasíðu SönderjyskE