Völsungur lagði Vestra að velli

Völsungar fagna marki Bergs.

Völsungur tók á móti Vestra í 2. deild karla á Húsavíkurvelli í kvöld.

Eftir markalausan fyrri hálfleik kom Sæþór Olgeirsson heimamönnum á bragðið með marki á 54. leiksins. 

Það var mikil barátta í leik liðanna það sem eftir lifði leiks en það var ekki fyrr en á lokamínútu hans sem Bergur Jónmundsson kom Völsungi í 2-0 og þar við sat.

Bergur hafði komið inn á sem varamaður rétt áður skoraði með góðu skoti úr teignum eftir fyrirgjöf frá Elvari Baldvinssyni.

Völsungur er í 6. sæti 2. deildar með 23 stig en stöðuna má sjá hér

Daníel Agnar Ásgeirsson leikmaður Vestra lék með Völsungi í yngri flokkunum en hér á hann í baráttu við Bjarka Baldvinsson fyrirliða Völsungs.

Freyþór Hrafn Harðarson í háloftabardaga inn í teig gestanna.

Guðmundur Óli Steingrímsson átti góðan leik í kvöld og hér tekur hann aukaspyrnu rétt utan teigs og upp úr henni kom fyrra mark heimamanna.

Sæþór Olgeirsson skoraði fyrra mark Völsungs en hér sækja tveir Vestramenn að honum.

Bergur Jónmundsson skorar hér síðara mark Völsungs........

.....og fagnar því gríðarlega.

Með því að smella á myndirnar er hægt að fletta þeim og skoða í stærri upplausn.