Völsungar með öruggan sigur á KFA

Óli og Áki th. markaskorarar Völsungs í kvöld.

Völsungar fengu KFA í heimsókn á PCC völlinn í kvöld og unnu öruggan sigur á þeim.

Adams Ah­med leikmaður KFA fékk beint rautt spjald strax á 5. mín­útu eftir brot á Áka Sölvasyni.

Völsungar nýttu sér liðsmun-inn og Ólafur Jóhann Steingrímsson kom þeim yfir með skallamarki á 7. mínútu.

Eftir um hálftíma leik jafnaði Inigo Al­bizuri leikinn fyrir gestina en Áki Sölvason skoraði tvö mörk skömmu síðar með mínútu millibili, það fyrra úr vítaspyrnu.

3-1 fyrir Völsungum í hálfleik.

Ólafur Jóhann bætti sínu öðru marki við á 55 mín. leiksins og tæpum tíu mínútum síðar fullkomnaði Áki þrennuna sína og staðan orðin 5-1.

Vice Kendes minnkaði muninn fyrir KFA þegar um 20 mínútur voru til leiksloka og þar við sat.

Lokastaðan 5-2 og Völsung­ur kominn með 25 stig í  fjórða sæti 2. deildar.

Ólafur Jóhann Steingrímsson skorar hér fyrsta mark leiksins.

Áki Sölvason skorar fyrsta markið sitt í leiknum úr vítaspyrnu.

Þarna skall hurð nærri hælum við mark gestanna.

Adolf Adolf Bitegeo skallar að marki KFA.

Með því að smella á myndirnar er hægt að fletta þeim og skoða í hærri upplausn.