Þingeyjarsveit hástökkvari norðursins

Nýlegar tölur frá Þjóðskrá um íbúafjölda sveitarfélaga sýnir að Þingeyjarsveit er í toppbaráttunni á Norðurlandi eystra.

Frá þessu segir á heimasíðu sveitarfélagsins en íbúum þess hefur fjölgað um 89 frá 1. desember 2023 -1. september 2024 eða um 6%.

Þingeyjarsveit er í 9. sæti yfir fjölgun íbúa í sveitarfélögum á landsvísu, en í öðru sæti á Norðurlandi eystra, rétt á eftir Hörgársveit.

Meðaltals fjölgun á Norðurlandi eystra er 1% og á landinu öllu um 2%, Þingeyjarsveit er því langt yfir meðaltals íbúafjölgun sveitarfélaga.

Íbúum Akureyrar fjölgaði um 0,9% og Norðurþings um 1,5%.

Fyrir þá sem hafa gaman af því að rýna í tölurnar má nálgast upplýsingar Þjóðskrár hér.