Neyðarkall til þín

Hilmar Freyr Birgisson stóð vaktina í dag.

Neyðarkall björgunarsveita er fjáröflun björgunarsveita landsins og fer hún ávallt fram fyrstu helgina í nóvember um land allt.

Á Húsavík standa félagar í björgunarsveitinni Garðari vaktina í Kaupfélagshúsinu, í Nettó og verslun ÁTVR.

Í ár er neyðarkallinn hamfarasérfræðingur, með vísan til þeirra fjölmörgu hamfara sem björgunarsveitir Landsbjargar hafa þurft að bregðast við á undanförnum árum og minna á að við búum í harðbýlu landi.

Átakið hófst fyrst árið 2006 og er því um að ræða 19. skipti sem björgunarsveitirnar bjóða almenningi að styðja starf þeirra með því að kaupa Neyðarkall. Hagnaður af sölunni rennur til björgunarsveita og slysavarnadeilda og er hann notaður til að efla og styrkja starfið. 

Hilmar Feyr Birgisson stóð vaktina í Kaupfélagshúsinu í dag.