Komu með sex íbúða raðhúseiningar til Húsavíkur

Bílalestin nálgast Húsavík.

Bjarg íbúðafélag, sem er óhagnaðardrifið íbúðafélag, hefur unnið að því síðustu mánuði að byggja sex íbúða raðhús að Lyngholti 42-52 á Húsavík í samstarfi við Norðurþing.

Um er að ræða svokölluð kubba-hús en íbúðirnar voru smíðaðar hjá SG húsum ehf. á Selfossi.

Þær eru í tólf einingum sem fluttar voru á öflugum flutningabifreiðum til Húsavíkur.

Á meðfylgjandi myndum má sjá bílalestina nálgast Húsavík á tólfta tímanum í morgun sem og frá því er einingarnar voru hífðar á grunninn.

Reiknað er með að íbúðirnar, sem eru fjögurra herbergja, verði tilbúnar með vorinu.

Starfsmenn SG húsa gera allt klárt í morgunsárið.

Svona var staðan um kvöldmatarleytið, eftir að hífa síðustu eininguna.

Með því að smella á myndirnar er hægt að fletta þeim og skoða í hærri upplausn.