Hörður Sigurðsson nýr slökkviliðsstjór Brunavarna Þingeyjarsveitar

Hörður Sigurðsson.

Hörður Sigurðsson hefur verið ráðinn í starf slökkviliðsstjóra Brunavarna Þingeyjarsveitar.

Í júlí sl. var starf slökkviliðsstjóra Brunavarna Þingeyjarsveitar auglýst til umsóknar með umsóknarfresti til og með 23. ágúst. Sjö umsóknir bárust um starfið, einn dró umsókn sína til baka. Ráðningaferlið var í umsjón Mögnum.

Á fundi sveitarstjórnar Þingeyjarsveitar í vikunni var samþykkt að ráða Hörð í starfið. 

Fram kemur í tilkynningu að Hörður hafi viðamikla þekkingu á sviði brunamála, hefur lokið námi eldvarnaeftirlitsmanns og starfað sem slíkur. Hörður hefur lokið fjölmörgum námskeiðum fyrir slökkviliðs- og sjúkraflutningamenn, hann hefur víðtæka reynslu bæði sem slökkviliðsmaður og sem stjórnandi í atvinnuliði.