Haddi í KA

Haddi kominn í KA. Lj. ka-sport.is

Húsvíkingurinn Hallgrímur Jónasson hefur gert 4 ára samning við KA.

Hallgrímur hefur síðustu ár spilað í Danmörku og verður mikill og góður liðsstyrkur fyrir KA í Pepsideildinni næsta sumar.

Hallgrímur á að baki 16 landsleiki fyrir Íslandshönd og á heimasíðu KA segir að þetta séu miklar gleðifréttir fyrir félagið.

Haddi er sjötti Völsungurinn sem er á mála hjá KA en fyrir eru bræðurnir Hallgrímur Mar og Hrannar Björn Steingrímssynir, Elfar Árni Aðalsteinsson, Ásgeir Sigurgeirsson og Sæþór Olgeirsson sem gekk til liðs við Akureyrarliðið í haust.