Flokkur eða fylking

Gunnar Rafn Jónsson skrifar:

Sá er ljóður á ráði manna í stjórnmálum, að vilja sífellt búa til nýja flokka. Þessir flokkar verða ýmist lang- eða skammlífir.

Hugmyndafræðin á bak við flokka er barn síns tíma. Við höfum í 80 ár streðað við að stofna nýja flokka, sem öllum er ætlað að verða sameiningartákn fyrir jafnaðarmennsku og  félagshyggju, en án sannrar uppskeru.

Ógnin í dag eru hinir ofurríku, sem hafa ofgnótt fjár og mikil völd miðað við hve fáir þeir eru.

Hvernig getum við hin knúið fram þær breytingar, sem nauðsynlegar eru á samfélaginu í krafti fjöldans?

Svarið er einfalt, með samvinnu.

Í framhaldi af því koma spurningar sem þessar:

Hvað hefur hingað til hindrað samvinnu umbótafólks?

Svar: Flokksstimplar, aðrir merkimiðar, forystusauðir og egó-in.

Þá heyrast setningar sem þessar: „ Ég vil ekki láta bendla mig við þennan flokk!“ „Það er sko ekki hægt að vinna með þessum aðila!“ „Allir bestu vinir mínir eru í þessum flokki og ekki fer ég að yfirgefa þá!“

Að hverju skal stefnt?

Svar: Á síðustu áratugum hafa núverandi og fyrrverandi flokkar sett fram stefnuskrár. Þjóðfundurinn sameinaðist um ákveðin gildi, sem urðu efst að mikilvægi hjá flestum. Þau hafa verið nefnd þjóðgildin.

Eftir standa spurningarnar:

Hvað þarf að laga og hvernig á að framkvæma það?

Á Íslandi höfum við bæði löggjafar-  og framkvæmdavald. Núverandi form löggjafar gengur oft stirðlega inni á Alþingi af ýmsum ástæðum.

Hinir ofurríku eru hins vegar sífellt með puttana í framkvæmdavaldinu, beita ýmis konar þrýstingi til þess að ná sínu fram ýmist í krafti auðs eða valda.

Ég tel, að flokkakerfið hafi gengið sér til húðar og í stað þess sé ráð að mynda breiðfylkingu. Fulltrúar allra flokka og óháðir eldhugar hittast og ræða alla málaflokka, líkt og reynt var fyrir og eftir síðustu kosningar og við myndun R-listans í Reykjavík á sínum tíma.

Í bók sinni, „Hugsunin stjórnar heiminum“, segir Páll Skúlason:

„Ég tel að róttækasta og mikilvægasta breytingin á heiminum sem hægt sé að gera sé sú að koma fram með nýja, ferska og frumlega túlkun eða réttara sagt sýn á heiminn – sýn sem breytir skilningi okkar á sjálfum okkur og heiminum, sýn sem opnar óvænta möguleika og fær okkur til að endurskoða allar viðteknar venjur í mannlífinu, allt sem til þessa hefur verið talið sjálfsagt og eðlilegt.“ Hið sama gerir einnig vísindamaðurinn, konsertpíanistinn og þróunarsérfræðingurinn,  Ervin Laszlo, þegar hann leggur til neðangreinda útfærslu á öllum þáttum mannlegs samfélags:

Heilbrigðara mannlíf á öllum sviðum

Hámarksnýting fjármuna ríkis og sveitarfélaga

Eining manns og umhverfis : eindrægni, samheldni, virðingu fyrir öllu sem er - í stað yfirráða og valda

Náttúran fái rétt líkt og menn og fyrirtæki

Sjálfbært efnahagskerfi á heimsvísu  - sjálfbærni í stað arðráns

Efling forvarna og heilbrigðis – úr stjórn á sjúkdómum í heilbrigða lífshætti

Viskumenning á heimsvísu - viska hjartans og vitundarinnar í stað einhæfrar þekkingar heilans

Borgaralegt samstarf og þátttaka – þátttaka í stað yfirráða

Altækur friður og frelsi - samhæft, réttlátt samfélag í stað aðskilnaðar, togstreitu og samkeppni

Ísland á 100 ára fullveldisafmæli á næsta ári?  Þá vil ég sjá:

Heildrænt, sjálfbært, réttlátt og heilbrigt samfélag
Sérhver ákvörðun hins opinbera verður samtvinnuð í öllum málaflokkum með hag almennings að leiðarljósi

Sérhver einstaklingur:

lítur heildrænt á lífið og heiminn
virðir þjóðgildin
skynjar sig sem hluta af stærri heild og starfar samkvæmt því
rannsakar samspil líkama, huga og sálar
kannar og samþættir rannsóknir
eykur skilning okkar þeirri fornu staðhæfingu, að allt skipti máli
finnur jafnvægi ríkja innra með sér og í umhverfinu
hefur heilbrigð tilfinningatengsl og hugarró
finnur sinn tilgang í lífinu, eitthvað að lifa fyrir 
skynjar sköpunarmátt sinn sem einstaklingur og í hópi 
nýtur heilbrigðs sálarlífs, umhverfis og grunnþarfa
nýtur öruggs og heilbrigðs fjárhags, lífsstíls, huga og tilfinningalífs

Hvað getum við gert til að komast þangað?

Við þurfum:

raunhæfar kerfisbreytingar, langtímabreytingar á samfélagsgerðinni

nýja stjórnarskrá, heiðarleika, traust og gagnsæi í stjórnmálum

að sýna hvert öðru og gagnkvæma virðingu og virða náttúruna

áherslu á forvarnir, heilbrigði einstaklinga og samfélags

samkennd, réttlæti, samvinnu, íbúðaröryggi  og framfærslulaun

Við viljum virka þátttöku grasrótarinnar, virkt lýðræði, útrýmingu fátæktar og spillingar

Svo að bestur árangur náist þarf visku, víðsýni og upplýsingar. Rannsóknir sýna, að samvinna grasrótar og sérfræðinga í hinum ýmsu málaflokkum skilar bestum árangri.

Yfirsýn er nauðsynleg í öllum málaflokkum, svo að hægt sé að tryggja hámarks virkni kerfis.

Þar sem ég er aðdáandi gagnrýnnar hugsunar, kerfisfræði, víðsýni og heildrænna lausna, nefni ég hér nokkur úrlausnarform, sem nota má til uppbyggingar landsins:

Patterndeck.com

aðferðafræði, sem byggist á yfir 30 ára kerfisfræðivinnu Christopher Alexander.

http://www.holacracy.org/

Barbara Marx Hubbard http://barbaramarxhubbard.com/

Ervin Laszlo – You Can Change the World https://www.amazon.com/You-Can-Change-World-Citizens/dp/159079057X

The Zeitgeist Movement http://thezeitgeistmovement.com/orientation

Evolutionaries - Carter Phipps http://www.evolutionaryleaders.net/

www.integralworld.net/mcintoch4.html

What is enlightenment Spiral Dynamics

The Bond - How to Fix Your Falling-Down World https://www.amazon.com/Bond-How-Your-Falling-Down-World-ebook/dp/B0043RSJOA

https://youtu.be/tsXID1kSuf4

The Venus Project https://www.youtube.com/user/thevenusprojectmedia

Elskulegu samferðamenn! Höfum hugföst orð Þorvaldar Gylfasonar: „Framtíðin er annað land“ . Hér dugar ekki nýr flokkur heldur breiðfylking.Spaðinn bíður þín.Allur heimurinn er undir.

Sameinumst í Aðgerð Grasrót.