Færðu Styrktarfélagi HSN veglega gjöf

Framsýn stéttarfélag færði Styrktarfélagi HSN í Þingeyjarsýslum kr. 15.000.000,- að gjöf til kaupa á tækjum og búnaði fyrir stofnunina og Hvamm heimili aldraðra.

Þar munar mestu um kaup á hjartaómtæki sem gerir HSN kleift að hafa hjartalækni í hlutastarfi hjá stofnuninni. Aðalsteinn Árni Baldursson formaður félagsins fylgdi gjöfinni eftir en hún var afhent við hátíðlega athöfn í gær.

Búnaðurinn samanstendur af fullkomnu hjartaómtæki, göngubretti, sturtustól-setdýnu, stólavog, eyrnaskoðunartæki,meðgöngumonitor, rannsóknartæki D-dimer og vökvadælu.

Daníel Borgþórsson formaður Styrktarfélags HSN og Bergur Elías Ágústsson stjórnarformaður Dvalarheimilisins Hvamms þökkuðu Framsýn fyrir höfðingja gjUndir það tóku læknar og annað hjúkrunarfólk sem gerðu gestunum grein fyrir notagildi tækjana.

Þar fór fremstur, Ásgeir Böðvarsson yfirlæknir á sjúkrahúsinu. Í máli þeirra kom fram mikil ánægja með velvild Framsýnar í garð Hvamms og HSN. 

Hér má lesa ávarp formanns Framsýnar sem hann flutti við þetta tækifæri.

Daníel Borgþórsson, formaður Styrktarfélags HSN í Þingeyjarsýslum og Bergur Elías Ágústsson stjórnarformaður Hvamms veittu gjöfinni viðtöku og héldu þakkarræður.

Aðalsteinn Árni Baldursson prófaði nýja tækið og fór í hjartaómskóðun hjá Sigurði Hirti Kristjánssyni hjartalækni.

Að þessu tilefni er vert að minna á að fyrirtæki og einstaklingar geta notið skattaafsláttar fyrir styrkupphæðum til Styrktarfélagsins þar sem félagið er nú á skrá yfir almannaheillafélög hjá Skattinum.