Áskorun til stjórnvalda um stækkun flugstöðvarinnar á Akureyri

20. jan

Áskorun til stjórnvalda um stækkun flugstöðvarinnar á Akureyri
Aðsent efni - - Lestrar 313

Stjórn Markaðsstofu Ferðamála á Norðurlandiskorar á stjórnvöld að bjóða út hið fyrsta framkvæmdir við stækkun flugstöðvarinnar á Akureyrarflugvelli. Ferðaþjónustan fagnar þeim stóra áfanga sem lenging flugbrautarinnar er, en bendir á, að til þess að sú fjárfesting skili sér að fullu verði að klára verkefnið, þ.e. að stækka flugstöðvarbygginguna.

Núverandi flugstöð annar engan veginn því hlutverki að þjónusta samtímis innanlands og millilandaflug hvað þá heldur aukna millilandaflugumferð sem fyrirsjáanleg er á næstu árum. Stjórn Markaðsstofu Ferðamála á Norðurlandi telur mikil tækifæri felast í auknu millilandaflugi milli Akureyrar - London- Kaupmannahafnar og annarra áfangastaða í Evrópu, tækifæri sem skapað geta hundruð nýrra starfa á Norðurlandi og aukið enn frekar ferðamannastrauminn til landsins, ekki síst yfir vetrartímann.

Nú hefur verið ákveðið að leggja enn frekari áherslu á markaðssetningu og kynningu á millilandafluginu erlendis og því mikilvægt að hefjast nú þegar handa við framkvæmdir á stækkun flugstöðvarinnar á Akureyrarflugvelli.

F.h. stjórnar Markaðsstofu Ferðamála á Norðurlandi.

Ásbjörn Björgvinsson framkvæmdastjóri.

« Til baka