Arna Ásgeirsdóttir ráðin kennsluráðgjafi hjá Skólaþjónustu Norðurþings

Arna Ásgeirsdóttir.

Arna Ásgeirsdóttir hefur verið ráðin sem kennsluráðgjafi hjá Skólaþjónustu Norðurþings.

Í tilkynningu á heimasíðu Norðurþings segir:

"Arna lauk B.Ed í leikskólakennarafræðum frá Kennaraháskóla Íslands árið 2008 og Diploma í sérkennslufræðum frá Háskólanum á Akureyri árið 2016. 

Hún stundar nú mastersnám í læsi og lestrarfræðum við Háskólann á Akureyri.

Arna hefur starfað í skólum Norðurþings frá árinu 2004. Hún starfaði lengi á Leikskólanum Grænuvöllum, þar af í 8 ár sem deildarstjóri.

Hún hóf störf við Borgarhólsskóla árið 2015, hefur verið umsjónarkennari þar, setið í innra mats teymi skólans og leitt innleiðingu Byrjendalæsis í sínu teymi. Hún tók sömuleiðis þátt í innleiðingu Jákvæðs Aga á Grænuvöllum.

Arna hefur því viðtæka reynslu á báðum skólastigum sem mun nýtast henni vel í starfi".