Völsungur sigraði Kára í toppbaráttuleik

Guðmundur Óli skorar sigurmarkið.

Völsungur tók á móti Kára frá Akranesi á Húsavíkurvelli í dag en þetta var síðasti leikur 20. umferðar 2. deildar karla.

Bæði lið voru í toppbáráttunni fyrir leikinn og því mikið í húfi.

140 áhorfendur voru á leiknum sem spilaður var í haustsins veðurblíðu.

Markalaust var í hálfleik en strax í upphafi síðar hálfleiks kom eina mark leiksins. Það gerði Guðmundur Óli eftir skemmtilegt samspil við Bjarka Baldvinsson fyrirliða.

Þegar hálftími var til leiksloka fékk Bergur Jónmundsson að líta sitt annað gula spjald og þar með rautt. Völsungar léku því manni færri það sem eftir lifði leiks en með þrautseigju og yfirvegun náðu þeir að sigla þessum þrem stigum í höfn.

Völsungur er tveimur stigum frá toppliði Aftureldingar og á eftir að spila við Hött á heimavelli og Tindastól á útivelli.

Hér má lesa leikskýrslu á vef KSÍ

Stöðuna í 2. deild má skoða hér

Bergur Jónmundsson með skalla að marki.

Guðmundur Óli skorar hér eina mark leiksins.

Og fagnar að hætti hússins, búinn að skora 10 mörk í deildinni þetta sumarið.

Baldur Ingimar Aðalsteinsson tekur aukaspyrnu.

Það var hart barist í leiknum enda mikið í húfi.

Grænir ganga glaðir af velli.