Völsungur og Íslandsbanki gera með sér samstarfssamning

Helga Dögg og Jónas Halldór takast í hendur.

Líkt og undanfarin ár hafa íþróttafélagið Völsungur og Íslandsbanki gert með sér samstarfssamning sem hefur það að markmiði að styðja Íþróttafélagið Völsung í íþrótta- og uppeldislegu hlutverki sínu á Húsavík.

„Samningurinn er þýðingarmikill fyrir okkur og erum við hjá Íslandsbanka afar stolt af því að styðja við það mikilvæga starf sem Íþróttafélagið Völsungur sinnir í nærumhverfi okkar“ segir Helga Dögg Aðalsteinsdóttir útibússtjóri Íslandsbanka á Húsavík.

Samningurinn sem gildir út árið 2025 felur m.a. í sér, að auk árlegs styrks, sem stjórn Völsungs sér um að skipta á milli deilda félagsins, þá veitir Íslandsbanki viðurkenningar þar sem íþróttafólk Völsungs er heiðrað.

Einnig tekur Völsungur að sér umsjón og framkvæmd Mærudagshlaups Íslandsbanka. Hlaupið er haldið á laugardegi um Mærudagshelgi.

„Það er gríðarlega mikilvægt að hafa góða styrktaraðila í öflugu íþróttastarfi. Við erum gríðarlega ánægt með stuðnings Íslandsbanka og þeirra framlag til félagsins“ segir Jónas Halldór Friðriksson framkvæmdastjóri Völsungs.

Helga Dögg Aðalsteinsdóttir útibússtjóri Íslandsbanka og Jónas Halldór Friðriksson takast í hendur að lokinni undirskrift sem fram fór í nýju útibúi bankans að Garðarsbraut 5.