Völsungur með heimasigur í blakinu

Völsungur og Álftanes mættust í Mizunodeild kvenna í gæ en leikið var á Húsavík.

Á Blakfréttir.is segir að leikurinn hafi farið rólega af stað en bæði lið voru nokkuð jöfn til að byrja með. Undir miðja fyrstu hrinu þegar staðan var 11-11 þá tók Völsungur öll völd á vellinum og náði 13 stigum á móti 1 stigi frá Álftanesi. Varð staðan því 24-12 en ekkert gekk upp í sóknarleik Álftaness. Þrátt fyrir smá mótspyrnu frá leikmönnum Álftaness þá vann Völsungur fyrstu hrinu 25-16.

Önnur hrina var keimlík þeirri fyrstu en eftir jafna byrjun þá tók Völsungur völdin og í þetta skiptið tóku heimastúlkur 9 stig á móti 1 og komust í góða stöðu. Í þetta skiptið tóku liðsmenn Álftaness hinsvegar við sér og náðu að jafna 24-24 en það voru svo gestirnir sem fóru með sigur í hrinunni 26-24.

Völsungur tók svo næstu tvær hrinur 25-23 og 25-15 og tryggðu sér því sigur í leiknum 3-0. Stigahæst í liði Völsungs var Rut Gomez með 22 stig. Stigahæst í liði gestanna var Erla Rán Eiríksdóttir með 21 stig en hún var að koma til baka eftir meiðsli.

Völsungur er eftir leikinn í 4.sæti með 10 stig eftir 6 leiki en Álftanes situr sem fyrr á bottni deildarinnar með 1 stig eftir 7 leiki. Næstu leikir liðanna eru næstkomandi miðvikudag þegar Álftanes mætir Aftureldingu og Völsungur mætir KA. (Blakfréttir.is)