Völsungur kominn í 16 liða úrslit Mjólkubikarins

Arnar Pálmi með mark í fyrsta leik.

Völsungur er kominn í 16 liða úrslit Mjólkurbikarsins eftir sannfærandi sigur á Mídasi en leikur fór fram á Húsavík í dag.

Mídasarmenn stóðu í Völsungum í fyrri hálfleik en heimamenn leiddu í leikhlé með einu marki gegn einu. Ásgeir Kristjánsson skoraði markið á 20. mínútu leiksins.

Þegar 5 mínútur voru búnar af síðari hálfleik tvöfaldaði Arnar Pálmi Kristjánsson forystu Völsungs með sínu fyrsta marki fyrir meistaraflokk félagsins. Amk. í leik sem KSÍ stendur að, ekki amaleg byrjun en þetta var hans fyrsti leikur.

Þegar hálftími var eftir af leiknum gerði Völsungur tvöfalda skiptingu, út af fóru Arnar Pálmi og Akil de Freitas og inn á komu Sigvaldi Þór Einarsson og Ólafur Jóhann Steingrímsson.

Innan við tíu sekúndum síðar var Ólafur Jóhann búinn að koma Völsungi í 3-0 eftir fyrirgjöf frá Ásgeiri sem innsiglaði síðan sigurinn með sínu öðru marki þegar rúmt korter var eftir að leiknum. Öruggur 4-0 sigur og Völsungur áfram í bikarnum. 

Dregið verður í 16 liða úrslitin nk. föstudag.

Hér má sjá leikskýrslu

Ásgeir Kristjánsson skoraði tvö og átti stoðsendingu sem gaf mark.

Meðfylgjandi myndir tók Óskar Páll Davíðsson.