Völsungur fær KR í heimsókn í Mjólkurbikarnum - Draumadráttur segir Jói Kr.

Jóhann Kr. Gunnarsson.

Dregið var í 16-liða úrslit Mjólkurbikars karla í höfuð-stöðvum KSÍ í dag.

Völsungur var í pottinum auk 10 liða úr Pepsi Maxdeildinni, fjórum liðum úr Inkassodeildinni Vestra sem leikur í 2. deild líkt og Völsungur.

Völsungur drógst gegn KR á heimavelli en það var einmitt KR sem Völsungur mætti síðast þegar liðið komst í 16 liða úrslit bikarsins. Það var 1992 og heimaleikur líkt og nú.

KR sigraði þann leik 2-1 með mörkum Steinars Ingimundarsonar. Mark Völsungs gerði Hilmar Þór Hákonarson.

"Þetta er auðvitað bara draumadráttur fyrir okkur hér. Að fá eitt allra sterkasta liðið hérlendis í heimsókn á Húsavíkurvöll. Ekki skemmir fyrir að gamlir félagar Pálmi Rafn og Aron Bjarki eru lykilmenn í KR. Það verður gaman að fá þá í heimsókn og sjá um leið okkar stráka reyna sig við svona sterkt lið. Nú er bara að hvetja alla íþróttaáhugamenn, Völsunga og velunnara nær og fjær að mæta á völlinn og búa til alvöru stemningu" sagði Jóhann Kristinn Gunnarsson þjálfari Völsungs í samtali við 640.is rétt eftir dráttinn.

Annars var drátturinn svona:

Víkingur R. - KA 
Grindavík - Vestri 
ÍBV - Fjölnir 
FH - ÍA 
Keflavík - Njarðvík 
Þróttur R. - Fylkir 
Völsungur - KR 
Breiðablik - HK 

16-liða úrslitin verða leikin 29. og 30. maí en ekki er búið að leikjum á leikdaga.