Völsungur áfram í Mjólkurbikarnum - Akil með tvennu

Akil De Freitas skoraði tvö mörk í kvöld.

Völsungur fékk Tindastól í heimsókn á iðagrænan gervigrasvöllinn í kvöld en leikurinn var 2. umferð Mjólkurbikarsins.

Markalaust var eftir fyrri hálfleikinn en Völsungar skoruðu snemma í þeim seinni og þar var á ferðinni Akil De Freitas.

Hann var var að leika sinn fyrsta leik fyrir Völsungs í kvöld líkt og markvörðurinn Inle Valdés Mayarí og Kaelon Fox.

Akil var aftur á ferðinni á 60. mínútu leiksins tvöfaldaði forystu heimamana og Bjarki fyrirliði Baldvinsson gulltrygði Völsungi sigurinn á þeirri 82.

Tindastólsmenn minnkuðu muninn í blálokin með marki Arnórs Guðjónssonar en Völsungur var heilt yfir sterkari aðilinn í leiknum.

Lokastaðan 3-1 og Völsungur kominn í 32. liða úrslit Mjólkurbikarsins þar sem þeir mæta Mídas á heimavelli.

Akil De Freitas skoraði tvö mörk í sínum fyrsta leik fyrir Völsung.

640.is fylgdist með leiknum í höfuðstöðvum sínum á Spáni í gegnum Völsungur TV á Youtube en meðfylgjandi ljósmynd tók Óskar Páll Davíðsson að leik loknum.