Völsungar unnu stórsigur á Leikni F

Guðmundur Óli fagnar síðara marki sínu í kvöld.

Völsung­ur tók á móti Leikni F. á Húsa­víkurvelli í kvöld í rigningarsudda en hægu veðri. 

Jóhann Kr. Gunnarsson þjálfari Völsungs og Boban Jovic aðstoðarþjálfari voru í leikbanni og stýrðu John Andrews og Jónas Halldór Friðriksson liði Völsungs í fjarveru þeirra.

Guðmund­ur Óli Stein­gríms­son kom Völsungi yfir strax á 9. mín­útu með marki úr víta­spyrnu eftir að brotið var á Ásgeiri Kristjánssyni innan teigs.

Sæþór Ol­geirs­son tvö­faldaði for­ystu heima­manna á 37. mín­útu og þar við sat í hálfleik.

Povilas Krasnovskis minnkaði minn fyr­ir Leikni F. á 60. mín­útu áður en Guðmund­ur Óli bætti þriðja marki Völsungs við á 75. mín­útu, aft­ur úr víta­spyrnu. Aftur eftir að brotið hafði verið á Ásgeiri Kristjánssyni.

Fyrrnefndur Ásgeir inn­siglaði svo sig­ur Völsungs með marki í upp­bót­ar­tíma eftir sendingu frá Aðalsteini J. Friðrikssyni.

Loka­töl­ur 4-1 og Völsung­ur er í fjórða sæti 2. deild­ar­ með 31 stig en hér má sjá stöðuna.

Það er óhætt að segja að aðstæður til myndatöku voru ekki góðar í kvöld en hér koma myndir af markaskorurum kvöldsins sem og John Andrews þjálfara.

Með því að smella á þær er hægt að fletta þeim og skoða í stærri upplausn.

Guðmundur Óli skorar hér fyrra mark sitt í leiknum en bæði komu úr vítaspyrnum.

Sæþór Olgeirsson sem skoraði eitt mark í leiknum er hér í baráttu við Jeffrey Ofori varnarmann Leiknis.

Ásgeir Kristjánsson sækir hér að marki gestanna en hann innsiglaði 4-1 sigurinn í uppbótartíma.

John Andrews ánægður með sigurinn en hann stýrði liði Völsungs í kvöld.

Einn mikilvægasti leikur sumarsins er nk. laugardag á Húsavíkurvelli en þá kemur Grótta í heimsókn. Nú er um að gera að mæta á völlinn og hvetja strákana.