21. júl
Völsungar skoruðu tvö mörk í uppbótartíma og unnu topplið SelfossÍþróttir - - Lestrar 126
Óskar Ásgeirsson skoraði sigurmark Völsungs.
Völsungar sóttu Selfyssinga heim í 2. deild karla í dag og þar var um hörkuleik að ræða og dramtíkin mikil.
Gefum Græna hernum orðið:
Heimamenn skoruðu mjög snemm, 1-0 og fengu svo rautt á 20.mín fyrir að sparka í liggjandi Xabi. Við vorum svo alfarið með boltann og Jakob Gunnar fékk gott færi en varið. 1-0 í hálfleik.
Smá taktískar breytingar í hálfleik og við miklu sprækari í byrjun seinni. Jakob Gunnar skoraði skallamark eftir fyrirgjöf fyrirliðans og jafnaði 1-1 áður en Selfoss gerði sjálfsmark eftir skot Rafnars Mána, 1-2 Völsungur!!!
Þá slökktum við á okkur. Bökkuðum. Og þeir skora úr einhverri lukkulegustu fyrirgjöf heims. 2-2. Svo aftur, eftir aukaspyrnu verður klafs við markið og boltinn hrekkur af Arnari og inn. 3-2 Selfoss. Ekki gott.
En þá bitu menn í skjaldarrendur og sýndu Húsvíska stálið. Eftir mikið spil kringum teiginn laumaði Bjarki Baldvins boltanum inn fyrir á Jakob Gunnar sem negldi í hornið, 3-3 og 92 mín á klukku.
Selfoss tekur miðju, langur fram, við vinnum boltann og hann berst Bjarka á miðjunni. Langur upp í horn og Óskar Ásgeirs tekur hann í fyrsta tötsi á markið frá vítateigshorni og bææææng. Mark. 4-3.
Völsungur situr í fjórða sæti 2. deildar með 22 stig en Selfoss er á toppnum með 29 stig. Víkingur ó í öðru sæti með 26 stig og KFA í þriðja sæti með 25 stig.
Næsti leikur strákanna er nk. laugardag gegn Reyni S. Mæruleikurinn.
640.is á Facebook