Völsungur mætir Fram í 32 liða úrslitum Mjólkurbikarsins

Barki Baldvinsson kom Völsungum á bragðið.

Völsungur mæt­ir 1. deildarliði Fram á heimavelli í 32 liða úr­slit­um Mjólk­ur­bik­ars karla í fót­bolta eft­ir 7-1-sig­ur liðsins á Tinda­stóli í kvöld.

Leikið var á gervigrasvellinum á Húsavík og lenti Völsungur ekki í teljandi vandræðum með Stólana.

Bjarki Baldvinsson skoraði fyrsta markið á 10 mín. þegar fyrri hálfleik lauk voru heimamenn komnir í 4-1. 

Þeir bættu síðan við þrem mörkum í síðari hálfleik og lokastaðan sem fyrr segir 7-1. Bjarki og Ásgeir Kristjánsson báðir með tvennu og Aðalsteinn Jóhann Friðriksson og Elvar Baldvinsson með eitt mark hvor.

Tindastóll skoraði eitt sjálfsmark eftir fyrirgjöf Sigvalda Þórs Einarssonar.

Völsungur 7 - 1 Tindastóll 
1-0 Bjarki Baldvinsson ('10) 
2-0 Ásgeir Kristjánsson ('14) 
3-0 Aðalsteinn Jóhann Friðriksson ('17) 
4-0 Bjarki Baldvinsson ('40) 
4-1 Jónas Aron Ólafsson ('44) 
5-1 Atli Dagur Stefánsson ('62, sjálfsmark) 
6-1 Ásgeir Kristjánsson ('65) 
7-1 Elvar Baldvinsson ('89) 

Bjarki Baldvinsson.

Ásgeir Kristjánsson.

Aðalsteinn J. Friðriksson.

Elvar Baldvinsson.

Sigurður Helgi, Helgi Jóel og Fannar Ingi voru hressir með gang mála.