Viljayfirlýsing um samstarf Skútustaðahrepps við Þekkingarnet Þingeyinga og Vatnajökulsþjóðgarð

Vatnajökulsþjóðgarður, Þekking-arnet Þingeyinga og Skútustaða-hreppur undirrituðu í gær vilja-yfirlýsingu um samstarf á sviði þekkingar- og nýsköpunar-tækifæra. 

Í tilkynningu á heimasíðu Skútustaðahrepps segir að samstarfið miði að því að allir aðilar nálgist tækifærin með opnum huga þar sem hver leggur af mörkum sína styrkleika, með það að markmiði að samhliða þróun gestastofu VÞJ í Mývatnssveit myndist þar suðupottur hugmynda sem styðji við sjálfbæra þróun svæðisins í víðri merkingu. 

Samstarfi Vatnajökulsþjóðgarðs, Þekkingarnets Þingeyinga og Skútustaðahrepps er ætlað að styðja við þverfaglega nálgun þekkingarsköpunar og hagnýtingar hennar í Vatnajökulsþjóðgarði og í hringrásarhagkerfi Mývatnssveitar og nærsveita.

Háskólaumhverfið og rannsóknastofnanir verða hvattar til að leggja enn frekari áherslu á rannsóknir á lífríki og náttúru svæðisins, burðarþoli einstakra náttúruperla og þeirra tækifæra sem felast í þróun þjóðgarðstengdrar starfsemi fyrir samfélagið í heild sinni.