Viðræður um meirihlutasamstarf hafnar í Norðurþingi

Húsavíkurhöfn

Viðræður um meirihlutastarf eru hafnar í Norðurþingi eins og fram kemur í eftirfarandi fréttatilkynningu;

Formlegar viðræður hafa verið teknar upp um meirihlutasamstarf Sjálfstæðisflokks, Vinstri Grænna og óháðra og Samfylkingar og annars félagshyggjufólks í Norðurþingi. Fulltrúar flokkanna hafa fundað í gær og dag og rætt málefnaáherslur. Mikill samhljómur hefur verið í vinnunni og er vinna við málefnasamning hafin. Flokkarnir þrír fengu samanlagt 60% atkvæða í nýafstöðnum sveitarstjórnarkosningum og fimm fulltrúa í sveitarstjórn.