Viðbragðsaðilar á námsstefnu

Markhópur námsstefnu þessarar eru aðilar sem koma að stjórnun og stýringu aðgerða í umdæmi LSNE sem nær allt frá Fjallabyggð í vestri að Bakkafirði í austri.

 

Frá þessu segir á Fésbókarsíðu Lögreglunnar á Norðurlandi eystra en haldir voru ýmsir fyrirlestrar.  M.a. sem varða náttúruvá í  umdæminu, tæknimál varðandi dróna og streymi.

 

Einnig nýjar áherslur hjá Ferðamálastofu varðandi utanumhald með ferðaþjónustufyrirtækjum og þá var mjög áhugaverður fyrirlestur er varðar þá stöðu þegar viðbragðsaðilar lenda sjálfir í slysum við störf sín svo eitthvað sé nefnt.

 

Er þetta í annað sinn sem námsstefna sem þessi er haldin, en hún var fyrst haldin í febrúar 2023, og stendur Almannavarnanefnd í umdæmi lögreglustjórans á Norðurlandi eystra straum af stærstum hluta kostnaðarins.

 

Almenn ánægja er meðal þátttakenda um fræðslu og samráðsvettvang sem þennan sem eflir og tengir allar viðbragðseiningar enn betur saman þegar síðan reynir á í aðgerðum og samstarfi.