Verkefnastjóri þróunar í Íþróttamiðstöð Skútustaðahrepps

Ragnar Baldvinsson. Lj. Skútustaðahreppur

Gengið hefur verið frá ráðningu Ragnars Baldvinssonar sem verkefnastjóra þróunar í Íþróttamiðstöð Skútustaðahrepps. 

Í tilkynningu segir að verkefnastjóri muni halda utan um uppbyggingu íþróttamannvirkja, styðja við uppbyggingu félagsmiðstöðvar og halda utan um vinnuskóla sveitarfélagsins í sumar.

Markmiðið með ráðningunni er að fylgja eftir stefnumörkun sveitarstjórnar, en í fjárhagsáætlun þessa árs var lögð áhersla á uppbyggingu svæðisins við Íþróttamiðstöð. 

Verkefnastjóri mun starfa við hlið forstöðumanns Íþróttamiðstöðvar. Næsti yfirmaður er sveitarstjóri.