Veglegur styrkur frá Heiltón, hollvinasamtökum Tónlistarskólans

Heiltónn, hollvinasamtök Tónlistarskóla Húsavíkur, styrktu skólann nýlega til kaupa á 12 plasthljóðfærum.

Hljóðfærin munu koma sér vel fyrir yngstu nemendur skólans og eru liður í því að koma öflugri blásaradeild á að nýju.

"Það er skólanum mikils virði að hafa slík samtök og þökkum við þeim kærlega fyrir þennan styrk" segir Guðni Bragason skólastjóri Tónlistarskóla Húsavíkur.

Það voru Soffía Sverrisdóttir, Helga Soffía Kristjánsdóttir, Arna Þórarinsdóttir og Jóhanna Svava Sigurðardóttir sem komu fyrir hönd stjórnar Heiltóns og afhentu styrkinn.

Ljósmynd Soffía Sverrisdóttir.