Tveir leikir um helgina í blakinu

Að horfa á blak er góð skemmtun og um helgina verður nú aldeilis hægt að skemmta sér í höllinni á Húsavík.

Stjörnustelpur koma í heimsókn og spila tvo leiki við Völsung. Liðin mætast á föstudagskvöld kl. 19:30 og aftur á laugardaginn kl. 12:00. 

Sem stendur er Völsungur í fimmta sæti Mizuno-deildarinnar með 11 stig og Stjarnan situr í því þriðja með 20 stig. Með góðum úrslitum geta grænklæddar hleypt smá spennu í stigatöfluna.

Frítt inn ( frjáls framlög vel þegin), kaffi og sjoppa á staðnum. 

Áfram Völsungur