Töðugjöld í Ýdölum

Arctic Challenge í samvinnu við Þingeyjarsveit standa fyrir sælkeraveislu í Ýdölum.

 

Um er að ræða tvö kvöld og verða í boði um fimmtíu sæti hvort kvöld.

 

Sindri Freyr Ingvarsson matreiðslumaður, sigurvegari Arctic Chef 2024, sér um að matreiða dýrindis krásir úr hráefni sem að magninu til kemur úr héraðinu.

 

Elmar Freyr Arnaldsson, framreiðslumaður, sem lenti í öðru sæti í Arctic Mixologist 2024, mun sjá um vínpörun ásamt því að bjóða upp á kokteilinn sem að landaði honum öðru sætinu í keppninni.