Þórshöfn verður heiðursheimahöfn varðskipsins Þórs

Varðskipið Þór í höfn á Þórshöfn.

Hafnarnefnd Langanesbyggðar samþykkti á fundi sínum í gær að Þórshafnarhöfn  verði heiðurs-heimahöfn varðskipsins Þórs. 

Í frétt á heimasíðu Langanes-byggðar segir að ástæðan sé auðvitað sama skírskotun Þórshafnar og varðskipsins Þórs til nafns á þrumuguðinum Þór.

Hafnarstjórn samþykkti ennfremur að sem heiðursheimahöfn skipsins væri það undanþegið hafnargjöldum en höfnin mun vera sú eina á landinu þar sem varðskipið getur komið til hafnar án þess að greiða hafnargjöld. 

Skjalið staðfestir þessa samþykkt hafnarstjórnar. 

Jónas Egilsson hafnar- og sveitarstjóri afhenti Páli Geirdal skipherra á Þór skjal af þessu tilefni.

Yfirmenn á varðskipinu ásamt hafnarstjóra og formanni hafnarstjórnar.

Viðstaddir athöfnina um borð í Þór voru sveitarstjórn Langanesbyggðar og hafnarstjórn Þórshafnarhafnar ásamt yfirmönnum varðskipsins. 

Meðfylgjandi texti og myndir eru fengnar af vef Langanesbyggðar.