Þóra Kristín Jónasdóttir sæmd gullmerki Völsungs

Þóra Kristín Jónasdóttir. Lj. Völsungur

Á afmæli Völsungs sem haldið var í gær var Þóra Kristín Jónasdóttir sæmd gullmerki félagsins en þeir sem hljóta gullmerki Völsungs hafa starfað innan félagsins í meira en 25 ár.

Við athöfnina kom þetta fram:

Þóra hefur starfað í áratugi innan félagsins fyrst sem iðkandi m.a. á skíðum, handbolta og í blaki. Þóra starfaði og fylgdi dætrum sínum eftir  sem æfðu m.a. knattspyrnu, skíði og handbolta í fjölda mörg ár.

Völsungar vilja  færa Þóru innilegar þakkir fyrir frábær sjálfboðaliðsstörf fyrir félagið og ekki síst þau sem snúa að fjálmálum og rekstri innan félagsins og deildum þess.

Hún starfið sem gjaldkeri aðalstjórnar í yfir 10 ár og gerði það með miklum sóma og samviskusemi. Eftir farsæl störf innan aðalstjórnar félagsins tók Þóra að sér starf gjaldkera blakdeildarinnar en eins og við vitum er starf deildarinnar einstaklega farsælt og öflugt.

Þóra er mjög mikilvægur og öflugur sjálfboðaliði sem er alltaf tilbúin að leggja hönd á plóg og er ávalt klár þegar þarf að sinna verkefnum sem falla til hjá félaginu. Fyrir íþróttafélagið Völsung er kona eins og Tóta ómetanlegur liðsfélagi.

Þóra Kristín eða Tóta okkar er svo sannarleg verðug þessarar viðurkenningar.