Þjóðadagur á Húsavík á laugardag

Danirnir okkar á Þjóðadeginum 2008.

Þjóðadagur verður haldinn næstkomandi laugardag 27. nóvember í sal stéttarfélaganna að Garðarsbraut 26 á Húsavík kl. 14-16. Nokkrir Þingeyingar af erlendum uppruna munu kynna matarvenjur og siði, þ.m.t. jólasiði frá löndum sínum. 

Þjóðadagur í Þingeyjarsýslum var fyrst haldinn haustið 2008 á vegum Húsavíkurdeildar Rauðakross Íslands og tókst frábærlega og óhætt er að segja að  matarvenjur og siðir Þingeyinga eru í raun mun fjölbreyttari en ætla mætti við fyrstu sýn.

Allir eru hjartanlega velkomnir milli kl. 14 og 16 í sal stéttarfélaganna á laugardaginn og aðgangur er ókeypis.

Stjórn Húsavíkurdeildar RKI.